أحدث الطرق في علاج علامات تمدد الجلد

أحدث الطرق في علاج علامات تمدد الجلد

لو ظهر لك خطوط رفيعة لونها أحمر أو أبيض على بشرتك وبالذات في المناطق زي الذراعين والأرداف وبين الفخذين،

Stretch Marksفي الغالب دي علامات تمدد الجلد

طيب إيه هي وأسباب ظهورها وأنواعها وإزاي نعالجها؟ ده اللي هنتكلم عنه دلوقتي

أسباب ظهور علامات تمدد الجلد

هي علامات أو ندوب بتحصل في الجلد لما يحصل تغير سريع جداً في شكل الجلد

وده بيحصل مع نزول الوزن أو زيادة الوزن بشكل كبير في فترة قصيرة، وبيحصل للحوامل والمرضعات، وبيحصل للبنات والولاد في سن المراهقة أحياناً، وللرياضيين اللي بيبنوا عضلات، وكبار السن اللي بيقل إفراز الكولاجين في جسمهم مع تقدم العمر

سببها بيرجع لأن الطبقة الخارجية بتتمدد بسرعة جداً في حين إن الطبقة الداخلية من الجلد اللي فيها الألياف المسؤولة عن مرونة البشرة زي الكولاجين مش بتكون قادرة تواكب التغير السريع ده

أنواع علامات تمدد الجلد

علامات تمدد الجلد بتظهر في شكلين

علامات التمدد الحمراء: ودي بتكون في البداية وعلاجها بيكون أسهل وأسرع

علامات التمدد البيضاء: ودي بعد فترة من ظهور العلامات الحمراء بتتحول للون الأبيض وعلاجها بيكون أصعب وبتاخد وقت أطول
طرق الوقاية

قبل ما نتكلم عن طرق العلاج هنقول شوية نصائح للوقاية:

اتباع نظام أكل صحي لمنع الزيادة السريعة في الوزن

اتباع حمية غذائية معتدلة لمنع نزول الوزن السريع

التقليل من السكر لأنه بيساهم في تكسير الكولاجين المسؤول عن مرونة الجلد

زيادة الوزن للمرأة الحامل يكون من 9-12 كيلوغرام مش أكتر

الابتعاد عن تمارين شد العضلات العنيفة وتكون تحت إشراف مدرب متخصص

طرق العلاج

زي ما وضحنا في الأول إن علاج خطوط تمدد الجلد الحمراء بيكون أسهل والنتيجة بتكون أفضل

العلامات الحمراء ممكن تتعالج عن طريق كريمات الترطيب القوية اللي بتحتوي على فيتامين (أ) وكمان ممكن تتحسن بأدوية الكولاجين

أما بالنسبة لعلامات تمدد الجلد البيضاء فبتحتاج وقت أطول في العلاج وبتحتاج حاجات تانية زي

الفراكشنال ليزر بتقنية الـ Co2 لأنه بيساعد على زيادة تكوين الكولاجين في البشرة.

الكاربوكسي ثيرابي اللي بيحسن الدورة الدموية وبالتالي بيحسن حالة الجلد

الديرما بن وده بيساعد على تجديد حيوية البشرة من خلال تحفيز الكولاجين

التقشير الكيميائي وبيستخدم بأنواعه لتحسين صورة الجلد