إجابة أسئلة حول نحت الجسم وشفط الدهون

إجابة أسئلة حول نحت الجسم وشفط الدهون

كل يوم بيظهر تقنيات جديدة وحديثة في مجال التجميل، ومع التطور ده بنكتشف طرق أسهل في علاج حاجات كتير في جسمنا.

ومن الحاجات اللي بنسعى دايماً لتغييرها للأحسن هي شكل الجسم. عشان كدة بقينا نسمع كتير عن شفط الدهون ونحت القوام.

في المقال ده هنعرف الفرق بين التقنيات المختلفة وامتى نعملهم وآثارهم الجانبية.

ليه ألجأ لعمليات شفط الدهون أو نحت القوام

هي عمليات غير جراحية وآمنة تماماً، بتساعد في تحسين شكل الجسم من خلال التخلص من بعض الدهون المتراكمة اللي الجسم مقدرش يتخلص منها بالدايت أو التمارين.

وبالتالي بتحصلي على قوام رشيق متناسب وده بيديكي ثقة أكبر في نفسك وفي شكل الجسم.

أنواع عمليات شفط الدهون ونحت القوام

مهم قبل ما نقوم بأي إجراء إننا نقرأ أكتر عنه والفرق بين كل تقنية وأخرى. تتعدد التقنيات بس في المقال ده هنتكلم عن أشهر 4 منهم:

تقنية ال Freezing – Cryo: بتعمل على تفتيت الخلايا الدهنية عن طريق تبريدها، تضمن عدم عودة الخلايا اللي تم التخلص منها، تناسب جميع أجزاء الجسم زي (البطن، الأرداف، الذراعين، الخصر) ماعدا الصدر، مدة الجلسة من 45 دقيقة لساعة.

تقنية ال Ultrasound Cavitation: تعريض الخلايا الدهنية تحت الجلد لموجات فوق صوتية، وده بيؤدي لتفتيت الخلايا الدهنية وإذابتها، مناسبة لتفتيت دهون (منطقة الفخذين، الجزء العلوي من الذراعين، منطقة المؤخرة، المنطقة السفلية من البطن)، مدة الجلسة من 30 ل 50 دقيقة.

تقنية ال Radio Frequency: تحفيز انتاج الكولاجين وعلاج ترهل الجلد، تستخدم لعلاج السيلوليت وشد منطقة الأرداف، وتحسين مظهر الرقبة والذقن، وشد الجلد المترهل أسفل البطن، وبعد الحمل والولادة، مدة الجلسة من 30 ل 50 دقيقة.

تقنية الكاربوكسي ثيرابي Carboxy: حقن غاز ثاني أكسيد الكربون لإذابة الدهون الموضعية وتحسين الدورة الدموية وبالتالي ينشط إفراز الكولاجين وتتحسن حالة الجلد، تستخدم لعلاج الذقن المزدوجة، وتشقق الجلد الناتج عن زيادة الوزن أو الحمل، وإزالة السيلوليت وشد الجلد.

(بعد العملية (الآثار الجانبية

بعد إجراء أي عملية من اللي اتكلمنا عليهم بيعدي 4 أسابيع بيتقسموا كالتالي:

أول أسبوع: ألم خفيف وزرقان وكدمات بسيطة.

تاني أسبوع: تورم في الجلد.

ثالث أسبوع: جفاف وشد الجلد.

رابع أسبوع: الشعور بالنتيجة.

في خلال الأربع أسابيع بيتم ارتداء الكورسيه للمحافظة على شكل الجلد.

هل فيه موانع لإجراء عمليات شفط الدهون أو نحت القوام؟

قبل العملية بيقوم الطبيب بالكشف عن الحالة الصحية ويعرف التاريخ المرضي ويتأكد إن ميكونش عند الشخص أنيميا أو سيولة في الدم، بالإضافة للتأكد من تحسين الضغط والسكر.

عشان كدة يفضل التأكد من مكان إجراء العملية والدكتور، وكل العمليات دي ممكن تعمليها وتسألي عنها في عيادات التجميل أو الجلدية زي WHAM Clinics.