إزاي تكوني في أمان وانت بتشتري طلبات البيت

للأسف، خطر الإصابة بفيروس الكورونا المستجد خلى غالبيتنا قاعدين في البيت، ومابنخرجش غير للضرورة القصوى. وأهم الضرورات القصوى هي زياراتنا المتكررة للسوبر ماركت عشان نشتري إحتياجات البيت. وبطبيعة الزيارات دي ممكن تسببلنا مخاطر كتير لو ما أخذناش إحتياطاتنا: زي أننا لازم نكون عارفين ان المنتجات المعروضة بتكون اتلمست من أشخاص كثير قبلنا. ومن معلوماتنا عن فيروس كرونا المستجد، هو الفترة اللي بيقدر يعيشها على الأسطح المختلفة، عشان كده لازم نكون حريصين وإحنا بنتعامل في السوبر ماركت. حفاظا على صحتك وصحة أسرتك، أسرة
بتقدملك النصايح دي WHAM Clinics

وإنت في السوبر ماركت

في وقت وجودك في السوبر ماركت لازم تمسحي عربية الترولي وبالأخص المقبض بتاعها بالكحول، قبل ما تحطي فيها أي حاجة. حاولي ماتمسكيش غير بس المنتجات اللي انت متأكدة انك هتشتريها. عشان كدة حبينا نقولك على حاجة ممكن تسهل عليكي، وهي انك تكتبي قائمة فيها كل حاجة انت محتاجاها قبل ما تخرجي، وبكدة مش هتضطري تفضلي في أماكن زحمة لفترة أطول من اللآزم.

بعد ما توصلي البيت

بمجرد توصلي البيت، وقبل ما تدخلي البقالة إلى داخل بيتك، إعملي محطة للتفريغ جنب باب البيت: أولاً، خصصي ونظفي مكان مخصص وكبير عشان يكون نصفه لأكياس السوبر ماركت والنص الثاني لتطهير محتوياتهم. لما تبدأي في فتح المشتريات، إتخلصي من أي عبوة خارجية بإستخدم فوطة مشبعة المطهر زي الكحول أو الكلور عشان تمسحي أي حاجة ممكن يكون أي شخص تاني لمسها قبلك. بعد كده حطي كل الأكياس والعبوات الفاضية في كيس ثاني وخرجيها من بيتك فورا.

قبل الأكل

الفواكه والخضروات من أهم الحاجات اللي لازم تتنقع في ماية وصابون أو خل، وبعدها تغسل تمامًا بنفس الطريقة التي بتغسلي بها إيديكي: لمدة 30 ثانية على الأقل مع الفرك. وبعد كدة اشطفيها كويس وخزينها في مكان نظيف مخصص لها.

إحنا عارفين أن الموضوع ده بياخذ وقت ومجهود كبير، بس في الأيام الصعبة اللي إحنا بنمر بها، احنا عندنا وقت كثير في إيدينا ممكن نستغله في إننا نكون صبورين ومنظمين وبناخذ إحتياطاتنا، عشان نحافظ على أماننا جوة بيتنا.

مع خالص تمنياتنا بدوام الصحة العافية لك ولأسرتك ولكافة أحبائنا في وطننا الغالي،