العلاج السلوكي المعرفي

كل اللي محتاجه تعرفيه عن العلاج السلوكي المعرفي

هو نوع من أنواع العلاج النفسي اللي بيعتمد على تغيير طريقة تفكيرك او قناعاتك تجاه مواقف مختلفة، بيساعدك كمان على انك تفهمي مشاعرك

Wham Clinics وأفكارك بطريقة أفضل، في بنستخدمه عشان نساعدك تخسي وتوصلي للجسم اللي دائماً بتحلمي بيه في

العلاج السلوكي المعرفي بيكون عبارة عن جلسات بشكل منظم ولفترة زمنية محددة عشان يساعدك على التعامل مع حاجة محددة زي عادات الأكل، اللي من خلاله هتحولي كل الأفكار السلبية لأفكار إيجابية عشان تعرفي تخسي بشكل صحي وكمان تحافظي على وزنك

الهدف منه انك تتعلمي انه مش دائماً هتعرفي تتحكمي في الحاجات اللي بتحصل حواليكي في الحياة، لكن تقدري تتحكمي في طريقة تعاملك مع المواقف اللي بتواجهك

السر اللي ورا العلاج السلوكي المعرفي انه بيشتغل على أفكارنا ومشاعرنا اللي بتلعب دور مهم جداً في تصرفاتنا

احجز الآن

:الأفكار السلبية لأفكار إيجابية

من أهم النقط اللي بيركز عليها العلاج السلوكي المعرفي انه يغير الأفكار السلبية اللي بتأثر على مشاعرك وبتساهم في انها تزود من حالة الإكتئاب والقلق واللي بيأثروا بشكل عام على المزاج الشخصي وبيأثروا كمان على عادات الأكل

من خلال رحلة العلاج السلوكي المعرفي هتختبري وجهة نظرك وتقارنيها بالواقع، هل أفكارك بتبنيها على حقائق ولو بتبنيها على تصورات مش Wham Clinicsموجودة في الحقيقة، مع التدريب والممارسة هتغيري طريقة تفكيرك والمعالج النفسي في

هيساعدك على انك تشوفي الواقع بشكل إيجابي ومختلف

:أنواع العلاج السلوكي المعرفي

للعلاج السلوكي المعرفي أنواع مختلفة بيستخدمها المعالج النفسي بعد ما يحدد أنسب نوع ليكي وهي

:العلاج العقلاني الإنفعالي السلوكي

يختص النوع ده بمعالجة اللامعقول بالمعقول يعني بنساعدك على انك تبدلي الأفكار اللامنطقية بالأفكار المنطقية

:العلاج بالمعرفة

النوع ده من العلاج بيركز على تغيير نمط التفكير الغير مرتب وردود أفعالك المتغيرة

:علاج متعدد الوسائط

بالنسبة للنوع ده فهم بيركز على علاج الأمور النفسية عن طريق تحديد سبعة نقط مختلفة وهي السلوك، العاطفة، الإحساس، التصور، المعرفة، العوامل الشخصية والجسدية

:العلاج السلوكي الجدلي

هدفه الأساسي بيكون انه يعلمك ازاي تعيشي كل لحظة بلحظتها، وازاي تقدري تتعايشي بطريقة صحية مع الضغوطات

بيمر الناس عادةً بمشاعر وتجارب بتولد عندهم مفاهيم خاطئة، المفاهيم دي ممكن تؤدي لسلوكيات ومعتقدات غير صحيحة ممكن تأثر سلبياً على حاجات كثيرة في حياتهم زي علاقتهم بأسرتهم، الشغل ،العلاقات العاطفية وعادات الأكل

:استخدامات العلاج السلوكي المعرفي

المعالج النفسي بيستخدم العلاج السلوكي المعرفي عشان يعالج أنواع كثير من الأمراض زي

اضطرابات النوم

الإكتئاب

اضطرابات الأكل

اضطرابات القلق

لو بتدوري على طريقة فعالة عشان تخسي وتغيري من نفسك يبقى العلاج السلوكي المعرفي هو الحل، لأنه في وقت قصير بيساعدك انك تغيري طريقة تفكيرك ومشاعرك للأفضل وهيساعدك كمان تغيري عادات أكلك عشان تخسي بطريقة صحية وتحافظي على وزنك

احجز الآن