جل الصبار .. رقم واحد في التجميل

جل الصبار .. رقم واحد في التجميل

الصيف دخل وبقى يقابلنا أكتر من حاجة عايزين نهتم بيها في بشرتنا، وكذا حاجة محتاجين نعالجها من آثار الصيف والشمس.

كتير بيعالجوا كل حاجة لوحدها بمنتج مختلف، بس هتعملي إيه لو عرفتي إن في منتج واحد سحري يحقق لك كل اللي بتحلمي بيه؟

Aloe Vera Gel اعرفي معانا فوائد جل الصبار

وإزاي هيقدر يخليكي مستعدة للصيف بأحلى شكل

منتج طبيعي

جل الصبار هو منتج طبيعي بيستخرج من ورق الصبار. اكتشفوا إن ليه فوائد كتير جداً للبشرة ودكاترة التجميل والجلدية بقوا يستخدموه في أكتر من علاج.

علاج الحروق

جل الصبار فعال جداً في علاج الحروق البسيطة والحروق الناتجة عن الشمس بعد التعرض ليها لوقت طويل
فهو بيهدي البشرة وبيقلل من حدوث التهابات فيها

ترطيب قوي

بيتميز جل الصبار بإن البشرة بتمتصه بسهولة فمناسب جداً للناس اللي بشرتهم دهنية
لكن ترطيبه قوي جداً فلو بشرتك جافة تقدري تستخدميه بدل كريمات الترطيب بعد الاستحمام وبعد إزالة الشعر عشان يخلي بشرتك دايماً رطبة وناعمة ويحميها من الجفاف ويقلل من شكل جلد الوزة
وبسبب ترطيبه القوي وقدرته على التخفيف من الحكة، تقدري تستخدميه لحالات الإكزيما

لدغة الناموس

يعتبر جل الصبار مطهر وعلاج طبيعي لقرصات الناموس، لأنه بيحتوي على فيتامينات ومعادن بتقلل الألم والتورم والحكة، بالتالي بتختفي آثار اللدغات أسرع مع استخدام جل الصبار

علاج التجاعيد

اللي ممكن ناس كتير متعرفوش إن جل الصبار بيحفز إنتاج الكولاجين بشكل طبيعي وآمن، واللي بدوره بيأخر ظهور علامات تقدم سن البشرة زي الخطوط الدقيقة والتجاعيد. ومش بس كده ده كمان ليه تأثير قوي في شد البشرة ومرونتها ونضارتها.

علاج بعد الليزر

تعرفي إن جل الصبار هو العلاج رقم 1 في العالم لآثار إزالة الشعر بالليزر؟
هنقولك ليه
أولاً بيخرج السخونة من البشرة وبالتالي بيقلل من احتمالية الإصابة بالحروق
مضاد للالتهابات فبيقلل من احتمالية تصبغ البشرة أو تغير لونها
بيعالج أي حروق أو لسعات بسيطة من أجهزة الليزر
وكمان بيستخدم كعلاج بعد التقشير الكيميائي والفراكشنال ليزر وجلسات نحت الجسم

للبشرة والشعر

بعد ما اتكلمنا عن فوائد جل الصبار للبشرة نحب نقولك إن ليه فوائد كتير للشعر كمان وممكن تستخدميه كمكون طبيعي في ماسكات العناية بالشعر.
WHAM Clinics.تقدري تحصلي على جل صبار طبيعي بنسبة 95% في عيادات التجميل والجلدية