حافظي على سلامتك وترطيب بشرتك

في الفترة دي أكيد كلنا بنغسل إيدنا لمدة 20 ثانية بشكل مستمر بماية وصابون، عشان نحافظ على صحتنا وسلامتنا، وده بيأثر على ترطيب وصحة بشرتنا وبالأخص إيدينا. لأن غسل الإيدين المتكرر هيخليها تفقد كثير من الترطيب اللي فيها. وأكيد أنت بتدوري على حل ترجعي به الترطيب لبشرتك

WHAM Clinics من ضمن النصايح اللي

بتقدمهالك الفترة دي حبينا نديكي 5 نصايح عشان تحافظي على ترطيب و نعومة إيديكي:

الزيوت الطبيعية

الزيوت الطبيعية زي الجوجوبا وزيت جوز الهند وزيت الزيتون وزبدة الشيا من أفضل المرطبات اللي ممكن تستخدميها و مش هتضر بشرتك زي المرطبات المليانة روايح ومعطرات. المرطبات اللي فيها أصباغ وعطور وكحول ومنظفات كميائية شديدة، ممكن تهيج بشرتك وتضرها أكثر من ما تفيدها.

ترطيب مستمر

زي ما بتغسلي إيدك وتطهريها كل شوية، لازم كمان ترطبيها كل شوية، عشان بشرتك ما تفقدش الطبقة الدهنية اللي فيها واللي بتحميها من حاجات كثير من ضمنها التجاعيد. الترطيب المستمر مش بس هيحافظ على صحة بشرتك انت كمان بتحافظي على نعومتها ومظهرها الصحي

نظفي وإحمي بشرتك

حاولي تلبسي جونتيات و انتي بتنظفي وتعقمي بيتك، عشان المنظفات المنزلية من أكثر الحاجات اللي بتسبب ضرر لبشرتك، ومش بس في إنها تخسرها دهنيتها ورطوبتها لكن كمان في إنها ممكن تتسبب في التهابات وتهيج للجلد.

اشربي ماية كثير

كالعادة لازم نذكر أهمية الماية على صحتك وصحة جلدك، وجسمك لما ياخد الكمية اللي محتاجها من الماية يومياً هتقدري تحافظي على نعومة وترطيب جلدك.

التغذية المتكاملة

زي الماية، من أساسيات الحياة الصحية هي التغذية السليمة. لما تدخلي أكلات فيها دهون طبيعية زي الأسماك والمكسرات، beta-caroteneأو البطاطا الحلوة الغنية بالـ

، فأنت بتوفري لبشرتك تغذية صحية بالإضافة لأنك بترطبيها بشكل مستمر موضعياً.

زي ما المفروض نحافظ على سلامتنا في الأيام دي، المفروض في نفس الوقت ما ننساش أن بسبب اللي جلدنا بيمر بيه دلوقتي هيتطلب مننا إهتمام أكبر، ولازم نديله الإهتمام اللي محتاجه عشان مش بس نحافظ على سلامتنا، لكن كمان صحة ونضارة بشرتنا.