صيف جديد بدون عرق

صيف جديد بدون عرق

الصيف وحر الصيف داخل علينا، وده أكيد بيزود العرق عندنا كلنا، واللي ممكن يحطنا في مواقف محرجة مع اللي حوالينا، بالذات لو انت شخص عنده تعرق بشكل مفرط. ومهما حسيتي أن المشكله مالهاش حل WHAM Clinics هتقدملك معلومات تساعدك تتخلصي من التعرق الزائد بكل الطرق المتاحة.

خليكي في أماكن باردة

ممكن المعلومة دي تكون واضحة، لكن التعرق بيحصل بسبب ان الجسم بيحاول يعادل درجة حرارته. عشان كده لما درجة حرارتنا بتكون عالية، جسمنا بيفرز العرق عشان يبرد. تجنبي الأماكن اللي ابتكون درجة حرارتها عالية والشمس فيها قوية، وده هيرفع درجة حرارة جسمك.

إلبسي الأقمشة الطبيعية

الهدوم الواسعة المعمولة من القطن الطبيعي بتساعدك ما تحبسيش العرق في جسمك وبتساعد جسمك يتنفس، ده غير أن القطن بيتشرب العرق الزيادة اللي جسمك بيفرزه.

الأكل الصحي

الأكل الصحي بشكل عام هو أساس كل حاجة في جسمنا، لكن في حاجات معينة لو جسمك من النوع اللي بيتعرق بشكل مفرط يبقى لازم تتجنبيها. حاولي على قد ما تقدري تبعدي عن الأكلات الحراقة وده لأنها واحدة من الحاجات الي جسمنا بيتعامل معاها زي أي حاجة بترفع درجة حرارته، وبالتالي هتخليكي تعرقي أكثر.

شرب الماية

زي ما الأكل الصحي مهم، شرب الكميات المظبوطة من الماية برده شيء مهم. زي ما شرحنا قبل كده التعرق بيحصل بسبب أن الجسم بيكون بيحاول يعادل درجة حرارته، عشان كده لو بتدي لجسمك الكمية الكافية اللي هو محتاجها من الماية هيكون رطب كفاية و مش محتاج أنه يخليكي تعرقي زيادة علشان درجة حرارتك تكون مظبوطة.

WHAM Clinicsأهم حاجة لازم تعرفيها أن مافيش مشكلة مالهاش حل، حتى لو ماحستيش بفرق ملحوظ بعد ما تجربي كل الطرق الطبيعية، عند

هنقدملك حل علاجي عشان تتخلصي من المشكلة بشكل نهائي. حقن البوتوكس من أحسن الطرق العلاجية اللي بتتخلص من التعرق الزايد، ده لإنها بعادل نشاط الأعصاب اللي بتسبب التعرق المفرط عشان يرجعها للطبيعي ولمدة طويلة من 6 الى 12 شهر.