معلومات مهم تعرفيها عن فيلر الشفايف

مع خوف الناس من عمليات التجميل الجراحية اللي بتستلزم بنج كلي وتدخل جراحي، بدأ يظهر أدوات وطرق تجميلية وعلاجات مختلفة من غير جراحة

ومن أشهر الطرق دي حقن الفيلر Filler Injection. وهو عبارة عن حقن منطقة محددة في الوجه
بيقدر الفيلر يعالج أكتر من حاجة هدفهم إنك تظهري بشكل شبابي أكتر، زي التجاعيد والخطوط الدقيقة ونضارة البشرة وتحديد شكل الأنف وكمان حقن الشفايف بالفيلر لتجميلها وتوردها

إيه هو حقن الشفاه بالفيلر والنتائج المترتبة عليه وإزاي بيتعمل وفين، هنقولك كل ده بالتفصيل

تكبير الشفاه بالفيلر

أولاً ليه ممكن واحدة تلجأ لفيلر الشفايف؟ فيلر الشفايف بيساعد على ملء الشفاه ويخلي نسبة جمالها مظبوطة وهي ⅓ ، الجزء السفلي من الشفاه هو اللي بيكون أكبر طبعاً وممتلئ أكتر

ومش بس كدة، كمان الفيلر بيحسن الكرمشة اللي في الشفايف وبيحسن تغيير لون الشفايف الناتج عن التدخين

وزي ما وضحنا قبل كدة إن الإجراء ده بيتميز بإنه من غير جراحة فبالتالي مفيش إحساس بالألم، كل اللي ممكن تحسي بيه هو وجع حقنة الفيلر زي أي حقنة أو أي شكة إبرة

نصائح لجلسة الفيلر

عشان توصلي للنتيجة اللي عايزاها من غير قلق أو ضرر، مهم تتأكدي من

محتوى حقنة الفيلر لازم تشوفيه بنفسك
تتأكدي إنه من ضمن المواد اللي واخدة موافقة من منظمة الغذاء والدواء FDA Approved
اللي هيقوم بالحقن دكتور تجميل مش متخصص عادي في بيوتي صالون أو سبا
ميعاد جلسة الحقن يكون في عطلة الأسبوع Weekend وهنقولك ليه

بعد حقن الشفاه بالفيلر

لو بتشتغلي أو بتقابلي ناس باستمرار، ممكن تعملي الحقن في الـ Weekend ويبقى معاكي وقت تقل فيه الآثار المترتبة على حقن الفيلر وهي
تورم الشفايف: زي أي حقنة الجسم بيتفاعل معاها وبيحصل ورم خفيف بيقل بعد 48 ساعة
تغير لون الشفايف حتى يميل للأزرق: ومع ذلك مفيش قلق وبيكون فيه متابعة مع الدكتور وقتها
أين يمكن عمل فيلر الشفاه
مهم الإجراء ده يحصل مع دكتور تجميل أو في عيادات تجميلية زي WHAM Clinics، وكمان مهم تسألي عن الدكتور والعيادة عشان تكوني متطمنة أكتر.